Náttúran kallar

yoyo Fjalla-Eyvindur er mættur.

Eins og alþjóð veit þá kom Hb í heimsókn eftir hálfs árs fangelsisvist hjá Ekstra Bladet. Sem betur fer sýndi hún hvar Íslendingar kaupa Brennivínið sitt og náði að grafa sig í gegnum lygar þeirra með matskeið frá Þýskalandi. Ekstra Bladet ásakaði hana að sjálfsögðu strax um að hafa fengið matskeiðina frá Rússlandi en það er allt önnur saga..

En frá öllu gamni slepptu þá var ansi gaman hjá okkur systkinunum. Við fórum í mat til Stóra H og Þ, fórum í útskriftarteiti til Þ, löbbuðum á Esju, fórum í Skara, fórum í nýja sundið, lentum næstum í fangelsi eftir háskaför á númerslausum jeppa og við sáum hvort annað dansa í fyrsta skipti niðrí bæ. Svo héldum við eitt allsherjar teiti sem vonandi flestir muna eftir...þ.e.a.s. þeir sem mættu.

Já þetta var nú aldeilis skemmtilegt og því segi ég að ALÞJÓÐ eigi að taka vel eftir. Hún Hb kemur nefnilega aftur í desember, meira að segja þann 21. desember 2006, því gæti það gerst að þið mynduð sjá okkur dansa við sama lag á sama tíma ef nægjanlega margir vilja það. Þetta gerist einungis þegar tunglið er í húsi vatnsberans... ég skal sækja það... ahh allir að rétta upp hendi sem muna eftir Brakúla Greifa.

Jæja nú er sjálfsöryggi mitt orðið það lítið að ég þori ekki að skrifa meira. Annars var komin svo mikil pressa á mig að skrifa að ég höndlaði þetta barasta ekki. Næsta færsla verður samt meira svona 94% myndir og 6% skrif. Þetta mun aldrei gerast aftur að skrif muni rústa myndum eins og Alþjóð hefur nú séð.

Með von um kaldara veður

Tsteinn

E.s. ef þið laumið á e-jum myndum úr teitinu þá megið þið alveg lauma þeim í hægri rassvasann minn, nema þið séuð strákar, þá má senda á mailið mitt.