Eine kleine!

Svartþrastarungarnir eru hérna glænýjir úr umbúðunum, annar þeirra er enn inn í skurninni.

Saga ein lítil og stutt sem gerðist í kaffihlénu mínu áðan.

Ég var að fá mér frískt loft áðan og rölti út til Tinna sem sat í heimreiðinni að tjilla. Nema hvað sé ég ekki einn sprækan orm langt frá heimkynnum sínum, moldinni. Fyrst hugsaði ég vá það er sko komið sumar! Síðan hugsaði ég um Húna. Og loks hvort ég gæti gefið þrastarmömmunni orminn.

Nema hvað hún sat á hreiðrinu og ég vissi ekki hvert ég gæti sett orminn. Leit í kringum mig og fann engan góðan stað. Þess vegna ákvað ég að prufa að koma orminum sem næst henni. Það var nú ekki mikið mál og það endaði með því að ég setti orminn einfætta á barm hreiðursins þar sem að hún tók við honum og gaf ungunum.

Já það er líf í kotinu!! haha